Author: spotnewssss

దేశ జనాభాలో సగానికిపైగా ఉన్న బీసీలకు చట్టసభలలో 50శాతం రిజర్వేషన్లు కల్పించాలని తెలుగు రాష్ట్రాల ఎంపీలు డిమాండ్‌ చేశారు. కేంద్ర విద్యా, ఉద్యోగ రిజర్వేషన్లను బీసీల జనాభా ప్రకారం 27శాతం నుంచి 56 శాతానికి పెంచాలని కోరారు. విద్య, ఉద్యోగ, రిజర్వేషన్లపై ఉన్న బీసీ క్రిమిలేయర్‌ను తొలగించాలని, బీసీలకు ప్రత్యేక మంత్రిత్వ శాఖను ఏర్పాటు చేయాలని డిమాండ్‌ చేశారు. న్యూఢిల్లీలోని ఏపీ భవన్‌లో ఏపీ, తెలంగాణ బీసీ సంఘాల ఆధ్వర్యంలో బుధవారం బీసీల మేధోమదన సదస్సు జరిగింది. ఆంధ్రప్రదేశ్‌ బీసీ సంఘం రాష్ట్ర అధ్యక్షులు ఎన్‌. మారేష్‌ అధ్యక్షతన జరిగిన ఈ సదస్సులో బీజేపీ ఎంపీలు ఆర్‌.కృష్ణయ్య, పాకా సత్యనారాయణ, టీడీపీ ఎంపీలు బీద మస్తాన్‌రావు, కలిశెట్టి అప్పలనాయుడు, బస్తీపాటి నాగరాజు పాల్గొన్నారు. ఈ సదస్సులో ఆర్‌.కృష్ణయ్య మాట్లాడుతూ బీసీల డిమాండ్ల సాధన, ఆత్మగౌరవం కోసం బీసీలంతా ఉద్యమించాలని పిలుపునిచ్చారు.

వచ్చే ఏప్రిల్‌లో 10 లక్షల మందితో ప్రధాని నరేంద్ర మోదీ ముఖ్య అతిథిగా బీసీ గర్జన బహిరంగ సభను నిర్వహించబోతున్నామని తెలిపారు. బీద మస్తాన్‌రావు మాట్లాడుతూ.. ఎస్సీ, ఎస్టీ యాక్ట్‌ మాదిరిగా బీసీలకు సామాజిక రక్షణ, భద్రత కల్పించడానికి బీసీ యాక్ట్‌ను తీసుకురావాలని అన్నారు. ఎస్సీ, ఎస్టీ, బీసీలకు ప్రైవేటు రంగంలో రిజర్వేషన్లు పెట్టాలని కోరారు. కేంద్ర ప్రభుత్వ శాఖలలో, ప్రభుత్వ రంగ సంస్థలలో ఖాళీగా ఉన్న 16 లక్షల ఉద్యోగ ఖాళీలను భర్తీ చేయాలని కోరారు. కాగా, కేంద్రం రూ.2 లక్షల కోట్లతో బడ్జెట్‌లో బీసీ సబ్‌ప్లాన్‌ ఏర్పాటు చేయాలని పాకా సత్యనారాయణ కోరారు. దేశ జనాభాలో సగానికి పైగా ఉన్న బీసీలకు రాజ్యాంగపరమైన హక్కులు నేటికీ అందని ద్రాక్షలాగా ఉండటం దురదృష్టకరమని ఎంపీ బస్తీపాటి నాగరాజు అన్నారు. నియోజకవర్గాల పునర్విభజన జరుగుతున్న నేపథ్యంలో చట్టసభలలో బీసీలకు సరైన న్యాయం జరగాలంటే పార్లమెంట్‌లో బీసీ బిల్లును ఆమోదించాలని, దేశవ్యాప్తంగా కులగణన త్వరితగతిన చేపట్టాలని ఎన్‌.మారే్‌ష డిమాండ్‌ చేశారు.

ఏపీ రాజకీయాల్లో తెనాలి మహిళ గీతాంజలి మరణం వ్యవహారం తీవ్ర దుమారాన్ని రేపిన విషయం తెలిసిందే.. అధికార, విపక్షాల మధ్య మాటల యుద్ధానికి, సోషల్ మీడియా వార్‌కు ఆఘటన కారణయమైంది. టీడీపీ , జనసేన ట్రోలింగ్ కారణంగానే మానసిక వేదనతో గీతాంజలి రైలు కిందపడి బలవన్మరణానికి పాల్పడిందని వైసీపీ నేతలు, మంత్రులు ఆరోపించారు. అప్పటి వైసీపీ మంత్రులు గీతాంజలి కుటుంబాన్ని పరామర్శించి అండగా ఉంటామని భరోసా ఇచ్చారు. ఆ కేసులో తెలుగు యువత రాష్ట్ర అధికార ప్రతినిధి అజయ్ సజ్జాను గతంలో పోలీసులు అరెస్టు చేసారు. అజయ్ సోషల్ మీడియాలో దారుణంగా ట్రోల్ చేయటం వల్లే గీతాంజలి మృతి చెందిందని వైసీపీ తీవ్రంగా ఆరోపించింది. అనంతరం అజయ్ బెయిల్ పై విడుదలయ్యారు.. ఇదంతా గతం..

అయితే ఇప్పుడు ఈ విషయం ఎందుకు మళ్లీ తెరపైకి వచ్చిందంటే.. వైసీపీ అధికార ప్రతినిధి మంచా నాగమల్లీశ్వరి ఇటీవల ఓ టీవీ చానల్ డిబేట్ లో మాట్లాడుతున్నారు.. అదే డిబేట్ లో టీడీపీ తరపున పాల్గొన్న అజయ్ సజ్జా సబ్జెక్ట్ మాట్లాడకుండా జగన్ కు దమ్ము, ధైర్యం ఉంటే అనే పదం ఉపయోగించారు. వెంటనే కోపం చిర్రెత్తుకురావడంతో మల్లీశ్వరి రెచ్చిపోయారు. దమ్ము ధైర్యం లాంటి పదాలు ఉపయోగించవద్దని ఇప్పటికే లక్షసార్లు చెప్పానని అయినా నువ్వు మారడం లేదన్నారు. ఇలా విసిగించే గీతాంజలి మరణానికి కారణమయ్యావని, 2029లో వైసీపీ ప్రభుత్వం రాగానే కచ్చితంగా ఇందుకు మూల్యం చెల్లించుకుంటావని, చట్టపరంగా ఆ కేసుపై మరింత దర్యాప్తు జరిపి శిక్షిస్తామన్నారు.

మల్లీశ్వరి మాటలకు అజయ్ నోట మాట రాలేదు.. పైగా మల్లీశ్వరి ఎంతో కాన్ఫిడెన్స్ తో 2029లో తమ ప్రభుత్వం వస్తుందని నమ్మడం.. అలాగే జగన్ దమ్ము, ధైర్యం గురించి మాట్లాడినందుకు ఒక్కసారిగా విరుచుకు పడడం పట్ల వైసీపీ శ్రేణులు హర్షం వ్యక్తం చేస్తున్నారు. ఇలాంటి నాయకురాలు కదా మనకి కావాల్సింది అంటూ సోషల్ మీడియాలో కామెంట్లు చేస్తున్నారు..

రాష్ట్రవ్యాప్తంగా సంచలనం రేపిన హనీ ట్రాప్ కేసులో రోజురోజుకి సంచలన విషయాలు వెలుగులోకి వస్తున్నాయి.. ఇప్పుడు నేరుగా రాష్ట్రంలోనే అత్యంత ప్రాచుర్యం పొందిన ఇటీవలే డిజి గా పదోన్నతి పొందిన విశాఖ పోలీస్ కమిషనర్ శంకబ్రత బాగ్చి ఈ కేసులో బిట్ కాయిన్ రూపంలో కోటికి పైగా విలువచేసే లంచం తీసుకున్నారని ఆరోపణలు గుప్పమన్నాయి.. ఈ కేసులో మొదటి నుంచి అత్యంత దూకుడుగా వ్యవహరించిన బాగ్చి పై గతంలోనే మాజీఎంపీ హర్ష కుమార్ చేసిన ఆరోపణలు ఇప్పుడు మరొకసారి తెరపైకి వచ్చాయి.. ఈ కేసులో కమిషనర్ డబ్బులు తీసుకొని అక్రమ కేసులు బనాయిస్తున్నారని చెప్పిన మాటలు నిజం చేస్తూ ఇప్పుడు తెరపైకి కొన్ని ఆడియోలు వచ్చాయి. ఈ ఆడియోలలో అజీమ్ ఖాన్ అనే నిందితుడు నేరుగా పోలీస్ కమిషనర్ కు బిట్ కాయిన్ రూపంలో కోటిన్నరకు పైగా లంచం ఇచ్చి అతనికి కోపం ఉన్న వ్యక్తులపై అక్రమ కేసులు పెట్టాలని పోలీస్ కమిషనర్ పై ఒత్తిడి తీసుకురావడంతో అదేవిధంగా ఇప్పుడు అతను అక్రమ కేసులు బనాయిస్తున్నాడని ఈ కేసులో నిందితుడిగా ఉన్న రతన్ రాజ్ మీడియా ముందుకు వచ్చి ఆడియోలను విడుదల చేశారు. ఈ ఆడియోలలో ఎంత నిజం ఉందో లేదో దర్యాప్తు చేయాలని అంతేకాకుండా రతన్ రాజ్ ఈ కేసులో తమకు ఎటువంటి ప్రమేయం లేదని తనపై రోజురోజుకి అక్రమ కేసులు బనాయిస్తున్నారని ఈ కేసును సిబిఐ లేదా సిఐడి విచారించి నిజ నిజాలను తేల్చాలని తెలిపారు.

పుట్టుకతో అనేక ఆస్తులు ఉన్న తనను హనీ ట్రాప్ చేసి డబ్బులు సంపాదించాల్సిన పరిస్థితులు ఎందుకు వస్తాయని రతన్ రాజ్ మీడియా వేదికగా అధికారులను ప్రశ్నించాడు.. తనకు న్యాయం జరగాలని తనపై జరుగుతున్న ఈ కుట్రకు కారకులెవరు తెలియాలని చెప్పారు.. ఇప్పటికే ఈ కేసులో ప్రధాన నిందితురాలు అయిన జాయ్ జెమిమా తో పాటు నిందితులందరూ బెయిల్ పై బయట ఉండగా కొంతమంది ఉద్దేశపూర్వకంగా రతన్ రాజు పై అక్రమ కేసులు పెడుతున్నారని ఆయన ఆవేదన వ్యక్తం చేశారు. అసలు ఈ కేసులో ప్రధాన నిందితురాలైన జాయ్ బయట ఉండగా ఏ 6 గా ఉన్న రతన్ రాజ్ పై పోలీసులు కక్షపూరితంగా ఎందుకు వ్యవహరిస్తున్నారు అంటూ అనేక ఆరోపణలు కూడా బయటకు వినిపిస్తున్నాయి. అసలు విశాఖ పోలీస్ కమిషనరేట్లో ఏం జరుగుతుందంటూ అనేక అనుమానాలకు తావతీస్తున్న పరిస్థితులు ఇప్పుడు వినిపిస్తున్నాయి. నేరుగా అజీంఖాననే నిందితుడు ఈ కేసులో ఇప్పటివరకు అరెస్టు కాకపోవడం అతను అరెస్టు కాకుండా ఉంటూ మరికొంతమంది నేనే అరెస్టులు చేయిస్తున్నానని వాటికి గాను పోలీస్ కమిషనర్ కి బిట్ కాయిన్ రూపంలో లంచం అందజేశానని చెప్పడం ఇప్పుడు అనేక అనుమానాలకు తావుతీస్తుంది. అయితే ఈ విషయంపై పోలీస్ కమిషనర్ స్పందించాల్సి ఉంది. అసలు ప్రపంచంలో ఏ కేసులు లేనట్టుగా పోలీస్ కమిషనర్ ఈ కేసులో ఎందుకు ఇంత ఆసక్తి చూపిస్తూ అరెస్టులకు తెగబడ్డారని నిందితులు ప్రశ్నిస్తున్నారు.

అనూషంగా ఈ కేసులో జాయ్ ఇంట్లో పని చేసే కొంత మందిని సైతం రిమాండ్ చేశారు. ఈ రిమాండ్ చేసిన నిందితులలో తన్వీర్ జోయ తన మూడు నెలల చిన్నారితో సహా జైలులో 13 నెలలపాటు రిమాండ్ లో ఉండవలసి వచ్చింది. ఇప్పటికీ ఈ కేసులో 15 నెలల గడుస్తున్నా చార్జి సీటు వేయకపోవడం అంతేకాకుండా అరెస్టులు సంఖ్య పెరగడం కానీ ఎక్కడా కూడా ఎటువంటి ఆధారాలు లేకుండా కేవలం ఆరోపణలతోని అత్యంత కీలకమైన కిడ్నాప్, హత్యాయత్నం వంటి సెక్షన్లో పెట్టి రిమాండ్ చేయడం పట్ల అనేక అనుమానాలకు తావుతీస్తుంది. ఈ కేసులో మొట్టమొదటిగా పోలీసులు రతన్ రాజుని ప్రధాన నిందితురాలుపై ఫిర్యాదు ఇవ్వమని కోరారు.. కానీ రతన్ ఫిర్యాదు ఇవ్వడానికి ముందుకు రాకపోవడంతో అతనిని నిందితుడిగా కోరుకుంటూ రిమాండ్ చేశారని ఆయన ఆవేదన వ్యక్తం చేస్తున్నాడు. ఎప్పటికైనా తనకు న్యాయం జరపాలి అంటూ చెబుతున్నాడు

కృష్ణా జిల్లా, నందివాడ మండలం, తరిమిస గ్రామంలో ఓ మహిళపై భర్త కుటుంబసభ్యులు దాడి చేసిన ఘటన కలకలం రేపుతోంది. గుంటూరుకు చెందిన విజయలక్ష్మిపై ఆమె భర్త రఘునాథ్, అతని తల్లి శ్రీవల్లి తీవ్రంగా దాడి చేశారని బాధితురాలు పోలీసులకు ఫిర్యాదు చేసింది.

నాలుగు సంవత్సరాల క్రితం గుంటూరుకు చెందిన విజయలక్ష్మిని తరిమిస గ్రామానికి చెందిన రఘునాథ్ వివాహం చేసుకున్నాడు. వివాహం అనంతరం వరకట్నం కోసం వేధింపులకు గురి చేస్తూ, అనేకసార్లు తనపై దాడులు చేశారని విజయలక్ష్మి ఆరోపిస్తోంది. ఈ విషయమై ఇరు కుటుంబాల పెద్దల సమక్షంలో పలుమార్లు సంధి జరిగినప్పటికీ, భర్త రఘునాథ్, అతని తల్లి శ్రీవల్లి వేధింపులు కొనసాగించారని తెలిపింద
ఈ నేపథ్యంలో గత కొంతకాలంగా విజయలక్ష్మి తన తల్లిదండ్రుల వద్దే నివాసం ఉంటోంది. ఈ క్రమంలో రేపల్లెలో నివసిస్తున్న రఘునాథ్ అన్నయ్య ఫోన్ చేసి, “ఇకపై వేధింపులు ఉండవు, జాగ్రత్తగా చూసుకుంటాం” అంటూ కాపురానికి రావాలని కోరడంతో, నిన్న తన భర్త ఇంటికి వెళ్లినట్లు తెలిపింది.

అయితే అక్కడికి వెళ్లిన వెంటనే “నిన్నెవరు రమ్మన్నారు? నువ్వంటే నాకు ఇష్టం లేదు, నాకు డబ్బులు కావాలి” అంటూ భర్త రఘునాథ్, అత్త శ్రీవల్లి తీవ్రంగా దూషించి, కర్రలతో విజయలక్ష్మిపై, ఆమె తండ్రి గోవింద రాజాచార్యులపై దాడి చేశారని ఆరోపించింది. అంతేకాకుండా తనను చంపేందుకు కూడా ప్రయత్నించారని ఫిర్యాదులో పేర్కొంది.

దాడిలో తీవ్రంగా గాయపడిన విజయలక్ష్మిని ప్రభుత్వ ఆసుపత్రికి తరలించి చికిత్స అందించారు. ఈ ఘటనపై పోలీసులు మెడికల్ లీగల్ కేసు (MLC)గా నమోదు చేసి దర్యాప్తు చేపట్టారు.
తనపై, తన తండ్రిపై దాడి చేసిన భర్త రఘునాథ్, అత్త శ్రీవల్లి పై కఠిన చర్యలు తీసుకోవాలని విజయలక్ష్మి డిమాండ్ చేస్తోంది.

ప్రకాశం జిల్లా ఎస్పీ శ్రీ వి. హర్షవర్ధన్ రాజు, ఐపీఎస్., గారి ఆదేశాల మేరకు జిల్లాలోని ఆయా పోలీస్ స్టేషన్ పరిధిలో జిల్లా పోలీస్ శాఖల సంయుక్త ఆధ్వర్యంలో డ్వాక్రా మహిళలతో కలిసి విస్తృత ప్రజా అవగాహన కార్యక్రమం మరియు ర్యాలీ నిర్వహించబడింది. ఈ కార్యక్రమంలో మహిళల భద్రత, సైబర్ భద్రత, ఆన్‌లైన్ మోసాలు, రోడ్డు భద్రత, రోడ్డు ప్రమాదాల నివారణ, మహిళలపై నేరాలు, అనధికార చిట్టీలు, మాదకద్రవ్యాలు వలన అనర్ధాలు మరియు వాటికి సంబంధించిన చట్టపరమైన రక్షణలపై ప్రజలకు విస్తృత అవగాహన కల్పించారు.

ప్రజలకు చట్టాలపై స్పష్టమైన అవగాహన కల్పించడం, మహిళల భద్రతను మరింత బలోపేతం చేయడం, నేరాల నివారణలో ప్రజల భాగస్వామ్యాన్ని పెంపొందించడం ఈ కార్యక్రమం యొక్క ప్రధాన లక్ష్యం. మహిళలపై జరుగుతున్న నేరాలపై కఠిన చట్టాలు అమల్లో ఉన్నాయని, ఎలాంటి సమస్య ఎదురైన వెంటనే పోలీసులను సంప్రదించాలని సూచించారు. మహిళల భద్రత కోసం ప్రభుత్వం అందిస్తున్న సదుపాయాలు, అత్యవసర హెల్ప్‌లైన్లు, చట్టపరమైన హక్కులపై వివరించారు.

సైబర్ నేరాల విషయంలో ఆన్‌లైన్ మోసాలు, ఫేక్ లింకులు, OTP మోసాలు, సోషల్ మీడియా ద్వారా జరుగుతున్న నేరాల పట్ల అప్రమత్తంగా ఉండాలని సూచించారు. అనుమానాస్పద కాల్స్ లేదా లింకులకు స్పందించవద్దని, సైబర్ నేరాలకు గురైతే వెంటనే 1930 హెల్ప్‌లైన్ లేదా సమీప పోలీస్ స్టేషన్‌ను సంప్రదించాలని ప్రజలకు తెలియజేశారు. మాదకద్రవ్యాల వినియోగం వల్ల యువత భవిష్యత్‌తో పాటు కుటుంబాలు నష్టపోతుందని పోలీసులు హెచ్చరించారు. మత్తు పదార్థాల బారిన పడితే ఆరోగ్య సమస్యలు, ఆర్థిక నష్టం, నేరాలు చేసే అవకాశం ఉంటుందన్నారు.
మాదకద్రవ్యాల రవాణా, విక్రయాలు చట్టరీత్యా నేరమని, కఠిన శిక్షలు ఉన్నాయని వివరించారు. మత్తు పదార్థాలకు దూరంగా ఉండి, అనుమానాస్పద కార్యకలాపాలు కనిపిస్తే వెంటనే పోలీసులకు సమాచారం అందించాలని ప్రజలను కోరారు.

రోడ్డు భద్రత అంశంలో ట్రాఫిక్ నిబంధనలు తప్పనిసరిగా పాటించడం, హెల్మెట్, సీట్‌బెల్ట్ వినియోగం, మద్యం సేవించి వాహనం నడపకూడదని ప్రజలకు అవగాహన కల్పించారు. రోడ్డు ప్రమాదాల నివారణకు ప్రతి ఒక్కరూ బాధ్యతగా వ్యవహరించాలని పిలుపునిచ్చారు. ఈ అవగాహన కార్యక్రమం అనంతరం నిర్వహించిన ర్యాలీలో డ్వాక్రా మహిళలు చురుకుగా పాల్గొని, నేరరహిత సమాజం, మహిళల భద్రత, రోడ్డు భద్రత నియమాలు, సైబర్ భద్రతపై నినాదాలతో ప్రజల్లో చైతన్యం కల్పించారు. ప్రజలతో కలిసి పనిచేసినప్పుడే నేరాల నియంత్రణ సాధ్యమని, మహిళల భద్రత, ప్రజాభద్రతే లక్ష్యంగా ఇలాంటి అవగాహన కార్యక్రమాలు జిల్లావ్యాప్తంగా నిరంతరం కొనసాగుతాయని జిల్లా పోలీస్ శాఖలు స్పష్టం చేశాయి.

యువ నాయకుడు, పోరాటాల ఒడిలో ఓనమాలు నేర్చుకొని చిన్ననాటి నుండి పోరాటమే ద్యేయంగా ప్రజల సమస్యల పరిష్కారమే లక్ష్యంగా పెట్టుకొని ఎర్ర జెండా నీడలో పెరిగిన లీడర్ సోతుకు ప్రవీణ్ కుమార్.. ఇప్పుడు భూపాలపల్లి లో జరుగుతున్న మున్సిపల్ ఎన్నికల్లో సింగరేణి బిడ్డగా, కాంగ్రెస్, cpm పార్టీలు బలపరిచిన సిపిఐ పార్టీ అభ్యర్థిగా 28 వ వార్డు నుండి పోటీలో ఉన్నాడు…

చిన్న నాటి నుండే ప్రజా సమస్యల కోసం పోరాడినవాడు ప్రవీణ్… కమ్యూనిస్టు పార్టీ cpi లో విద్యార్థి విభాగం AISF లో చురుగ్గా పనిచేసి రాష్ట్ర స్థాయి లో కీలక పదవి లో ఉన్నాడు..విద్యార్థి ఉద్యమాలలో ముందుండి నడిచి భూపాలపల్లి లో విద్యార్థుల సమస్యలను అనేకం పరిష్కరించాడు… విద్యార్థి దశలోనే విద్యార్థుల‎ హక్కుల‎ కోసం పోరాడి ప్రభుత్వ జూనియర్ కళాశాల, డిగ్రీ‎ కళాశాల SC,‎ ST, BC హాస్టళ్లు సాధించేందుకు అనేక‎ ఉద్యమాలు చేసి విజయాలు సాధించాడు..ప్రస్తుతం cpi పార్టీ భూపాలపల్లి పట్టణ కార్యదర్శి గా పని చేస్తూ ప్రజా ఉద్యమాలలో ముందుండి ప్రజా సమస్యల పరిష్కారం కోసం పోరాడుతున్నాడు..గూడు లేని నిరుపేదల మొహాల్లో నవ్వు కోసం నిరంతరం పోరాడి వారి కంటూ ఒక గుడిసె వచ్చేలా పోరాడిన యువకుడు, ఇప్పుడు భూపాలపల్లి మున్సిపాలిటీలో ఉన్న సమస్యలను పరిష్కరించడానికి 28 వ వార్డు అభ్యర్థిగా ప్రజల ముందుకు వస్తున్నాడు..

సింగరేణి బిడ్డగా, స్థానిక యువకునిగా 28వ వార్డు నుండి సోతుకు‎ ప్రవీణ్ కుమార్‌ పోటీలో ఉన్నాడు… 28వ వార్డు లో ఉన్న సింగరేణి కార్మికులు తనకు ఒక్క సారి అవకాశం ఇవ్వాలని కోరుకుంటున్నాడు…ఈ నెల 11 న జరిగే ఎన్నికల్లో కంకి కొడవలి గుర్తుపై‎ ఓటు‎ వేసి గెలిపించాలని కోరుతున్నాడు..

సీఎం ఆఫీసులో పరిచయాలు ఉన్నాయని నమ్మించి లక్షల రూపాయలు వసూలు చేసిన నిందితుడు.. ఉమ్మడి ఖమ్మం జిల్లాలో నివసిస్తూ తనకు సీఎం ఆఫీసులో పరిచయాలు ఉన్నాయని, ఐఏఎస్, ఐపీఎస్ అధికారుల సంతకాలు ఫోర్జరీ చేసి నకిలీ పోస్టింగ్ ఆర్డర్లు సృష్టించిన కాకినాడ ప్రాంతానికి చెందిన కె.రామకృష్ణ అనే వ్యక్తి.. నామినేటెడ్ పదవులు, బదిలీల పేరిట, పలువురు నాయకులు, పోలీసుల నుండి లక్షల రూపాయలు వసూలు చేసిన నిందితుడు. మోసపోయామని గ్రహించి పోలీసులకు ఫిర్యాదు చేసిన బాధితులు.

ఏపీ సీఎం చంద్రబాబుపై అనుచిత వ్యాఖ్యల కేసులో అరెస్టైన మాజీమంత్రి అంబటి రాంబాబును గుంటూరు పోలీసులు అరెస్ట్ చేసి న్శాయమూర్తి ఎదుట ప్రవేశపెట్టారు.. కోర్టు 14 రోజుల రిమాండ్ విధించడంతో.. సోమవారం తెల్లవారుజామున ఆయనను రాజమండ్రి సెంట్రల్ జైలుకు తరలించారు. ఈ పరిణామం ఏపీ రాజకీయాల్లో సంచలనంగా మారింది

కొల్లోజు దిలీప్.. యువకుడు..నాయకత్వ లక్షణాలు ఉన్నవాడు.. విద్యార్థుల సమస్యల కోసం పోరాడినవాడు.. ఇప్పుడు ప్రజా సమస్యల పరిష్కారమే ద్యేయంగా మున్సిపల్ ఎన్నికల్లో బరిలోకి దిగుతున్నాడు..

భూపాలపల్లి మున్సిపల్ ఎన్నికల్లో భాగంగా 4 వ వార్డ్ నుండి బీఆర్ఎస్ అభ్యర్థిగా కొల్లోజు దిలీప్ ను మాజీ ఎమ్మెల్యే గండ్ర వెంకట రమణా రెడ్డి బరిలోకి దించారు..ఇంకా బీ ఫాం ఇవ్వనప్పటికీ 4 వ వార్డ్ నుండి బీఆర్ఎస్ అభ్యర్థిగా కొల్లోజు దిలీప్ పోటీలో ఉన్నాడంటూ ప్రచారం ఊపందుకుంది… దిలీప్ భారత రాష్ట్ర సమితి విద్యార్థి విభాగం ఆధ్వర్యంలో జిల్లా వ్యాప్తంగా ఎన్నో విద్యా సమస్యలపై అలుపెరుగని పోరాటాలు చేసి మంచి పేరు సంపాదించుకున్నారు…దీంతో మున్సిపల్ బరిలో దిలీప్ ఉన్నాడంటూ ప్రచారం మొదలు కావడం తో ప్రత్యర్థుల గుండెల్లో దడ మొదలైంది…

ఎన్నికల బరిలో దిలీప్ ఉంటే తమకు ఓటమీ ఖరారు అని తెలుసుకున్న ప్రత్యర్థులు ఇప్పటినుండే దిలీప్ ను ఎన్నికల బరి నుండి తొలగించాలని ప్రయత్నాలు మొదలు పెట్టారు.. ఓ వైపు ప్రజల మద్దతు మాత్రం అనూహ్యంగా దిలీప్ వైపే ఉండటం చూసి ప్రత్యర్ధులు కంగారు పడుతున్నారు..ఎక్కడ దిలీప్ కు లభించే మద్దతు తమ ఓటమికి కారణమవుతుందోనని బయపడుతున్నారు…

మరో పక్క కొల్లోజు దిలీప్ మాత్రం తనకు పార్టీ టికెట్ వస్తుందని ధీమాగా ఉన్నారు.. కష్ట పడే మనస్తత్వము ఉన్నవాన్ని,ప్రజా సమస్యల పై పోరాటం చేసే వాడిని కనుక గండ్ర వెంకట రమణా రెడ్డి తనకే టికెట్ కేటాయిస్తాడని ఆశాభావం వ్యక్తం చేస్తున్నారు..4 వ వార్డు నుండి తాను లోకల్ అభ్యర్ధి అని, మిగతా వారు నాన్ లోకల్ కాబట్టి ప్రజల మద్దతు తనకే ఉంటుందని ఆయన నమ్ముతున్నారు…గతం లో గెలిచిన అభ్యర్థులు ఓట్ల అప్పుడు తప్ప మిగతా సమయాల్లో ఎప్పుడూ ప్రజలకు అందుబాటులో లేరని ఆగ్రహం వ్యక్తం చేశారు..
తనకు బీఆర్ఎస్ పార్టీ బీ ఫామ్ ఇస్తే 4 వ వార్డ్ లో విజయ పతాకం ఎగురవేసి గండ్ర వెంకట రమణా రెడ్డి కి, బీఆర్ఎస్ పార్టీ కి 4 వ వార్డు ను గిఫ్ట్ గా అందిస్తానని దిలీప్ చెబుతున్నారు.

అధికారన్ని అడ్డం పెట్టుకుని జనసేన, టీడీపీ నేతలు కామంతో రెచ్చిపోతున్నారని వైఎస్సార్సీపీ ఉండి నియోజకవర్గ యువ నాయకులు గొంతే హరీష్ ఆరోపించారు. జనసేన కోడూరు ఎమ్మెల్యే అరవ శ్రీధర్ గవర్నమెంట్ ఉద్యోగం చేస్తున్న ఓ మహిళా ఉద్యోగినిని వాడుకొని వదిలేసాడని, తనకి పెళ్లై కొడుకు కూడా ఉన్నాడని తెలిసినా కానీ తనని పెళ్లి చేసుకుంటానని నమ్మించి కారులో దూరంగా తీసుకెళ్లి రేప్ చేశాడంటూ బాధిత మహిళ చెప్తోందన్నారు. ఇలాంటి పరిస్థితులు రాష్ట్రంలో నెలకొన్నాయని, గతంలో సాక్ష్యాత్తూ మంత్రి వాసంశెట్టి సుభాస్ అశ్లీల నృత్యాల్లో పాల్గొనడం ఎంతవరకూ కరెక్ట్ అని హరీష్ ప్రశ్నించారు. కూటమిప్రభుత్వం అభివృద్ధి, సంక్షేమం చేయలేదని, కేవలం అరాచకాలు, అకృత్యాలు మాత్రమే చేస్తోందన్నారు. వచ్చే జగన్ 2.0 పాలనలో మహిళల రక్షణకు దిశ చట్టాన్ని తీసుకొస్తామన్నారు. మహిళలను అన్ని రంగాల్లో ప్రోత్సహించి అభివృద్ధి చేసే పార్టీ వైసీపీ మాత్రమేనన్నారు హరీష్..